"Nganong Sikat Ang Bisrock?"

Basta storyahan na gani ang 'bisrock sikat jud kaayo nakay unique kaayo, ug nihit ra sad kaayo ang ing-ana nga mga kanta. Sama ra na sa mga classic songs,love songs, r'n'b songs, hip-hop songs. Pero na tingala ko kay ang mga Cebuano songs sauna wa kaayo musikat, niya ang bisrock nga mga kanta kay sikat kaayo. Nakahuna-huna ko na ngano wa kaayo to musikat ang daan nga Cebuano songs kay tungod hinay ra kaayo. Dili sad siya lingaw paminawon. Katong mga kantaha, bagay ra sa pangsayaw-sayaw sa mga events ngari sa Cebu. Pero kani ang bisrock pangmasa jud kaayo ni.Pwede sad ni sad sa mga events sa Cebu. Lingaw sad jud paminawon kay uban man sad gud binuang ang mga pulong gipanggamit. Ug uban sad kay basi sa tinuod nga experience nila sa kinabuhi nga ilang naagi-an. Niya ang mga tawo sad kay maka-relate kay tungod ang mga nagcompose ani nga mga lyrics kay batan-on man sad. Mao na ang mga tawo makadayeg jud aning mga kantaha. Maka-ingon sad ko na lahi na jud ang mga tawo karon. Modern na modern jud kaayo. Kahibaw gyud sila kung unsay mga nindot.


Kahibaw jud ko nga molambo pa ni nga mga kantaha kung kita sad nga tigpaminaw diri sa Cebu kay tabangan nato ug suporta. Kay kung dili sad nato tabangan ug suporta tabla ra sad nga wa ta nagmahal sa atong culture nga isip Cebuano. Kini sad ra ba kay parte na ni nato as Cebuano. Dili jud nato kalimtan kaning mga kantaha kay usa ni ang nagpaila nato sa uban lugar ngari sa Pilipinas.